Çыравçăсем шкул музейĕнче пулчĕç

Чăваш чĕлхи кунĕ – ака уйăхĕн 25-мĕшĕ – тĕлне Шупашкарăн 12-мĕш шкулĕнче кашни çулах йăлана кĕнĕ йĕркепе Чăваш чĕлхи эрни иртет. Кăçалхи çак уява чăваш халăхне çутта кăлараканĕ Иван Яковлевич Яковлев çуралнăранпа 175 çул çитнине халалланă.9-мĕш Б класс ачисемпе Ара Мишши (М.Н. Краснов), Лидия Сарине çыравçăсем тĕл пулчĕç. Михаил Николаевич патриархăн йывăр ачалăхĕ çинчен калаçрĕ, ĕлĕкхипе хальхи шкулта вĕренмелли условисене танлаштарчĕ. Лидия Сарине сăввисем пурин кăмăлне те çĕклерĕç,тăрăшса вĕренме хавхалану кÿчĕç. Михаил Николаевич чи хастар итлекене хăй çырнă «Пиллĕкĕшчĕрĕк» кĕнекине парнелесе чысларĕ. Г.Н. Волков ячĕллĕ шкул музейне хăйĕн «Тăваллаçул», «Вăхăт тата шăпа» кĕнекисене парнелерĕ. Шкул ачисем (класс ертÿçи Игнатьева А.П.) усăллă самантсемшĕн хăнасене чĕререн тав турĕç.